Амантай ДОСҚАЛИЕВ: Басшы ең алдымен өзіне талап қоя білуі керек
30.07.10.
«Қазақстан темір жолы» ұлттық компаниясы еліміздің батыс аймағындағы темір жол инфрақұрылымын дамытуға айрықша назар аударып, 2009-2011 жылдарға арналған «Батыс даму» бағдарламасын жасағаны белгілі. Бағдарлама батыстағы жолаушы тасымалдау шаруашылығын қалай дамытуда? «ҚТЖ» ҰК» АҚ еншілес кәсіпорыны «Жолаушылар тасымалы» акционерлік қоғамының «Батыс» аймағы филиалының директоры Амантай Досқалиевпен сұхбатымыз осы тақырыптан өрбіді.
30.07.10. Алматы облысының аумағына орналасқан қатты қалдық төгілетін полигондардың «ахуалын» тексеріп қайтқан жергілікті мемлекеттік тазалық-індет қадағалау департаментінің қызметкерлері осылай дабыл қағып отыр.
Еліміздің Ауған соғысы ардагерлері Мәжіліс депуттары мен билік өкілдеріне өкпелі. Өйткені ауған соғысының ардагерлері ретінде жасалынған түрлі жеңілдіктерден қағылып жатыр. Жақында ғана олар Ұлы Отан соғысы ардагерлерімен қатар бірінші кезекте баспана алу құқығынан айырылғандықтарын біліпті.
30.07.10. Биылғы наурызда бүкіл республиканы алаңдатқан су тасқыны салдарынан жер бетінен жоғалып кетке жаздаған Қызылағаш ауылының апаттан соңғы жағдайын алғаш көргенде, кеше ғана күре жолдың бойында айрандай ұйып отырған үлкен елді мекенді қайта қалпына келтіру мүмкін еместей көрінген.
Әдемі келіншектің әлегі немесе бір отбасы пәтерінен қалай айырылды?
30.07.10. Редакцияға Алматы қаласының тұрғыны Шолпан Нұрмұханбетова көз жасын көл етіп келді. Өйтпегенде қайтсін, үйінде өзімен екі ай ғана бірге тұрған Әсел Аманбайқызы Белғожанова (1980 жылы 13 маусымда туған. Алматы облысы, Ескелді ауданындағы Алдабергенов ауылының тұрғыны, суретте) үш бөлмелі үйін сыртынан сатып жіберіпті. Тіпті пәтер аз уақытта екі кісінің қолынан өткен.
Еліміздің төрт дүркін чемпионы - «Ақтөбе» бұл жолы да жанкүйерлерін қуантты. Владимир Муханов жаттықтыратын команда Еуропа чемпиондар лигасының үшінші кезеңін сәтті бастап, Израильдің «Хапоэлін» ұтты. Бірақ бұл екі қарсылас арасындағы бәсекенің тағдыры Тель-Авивте, 3 тамызда өтетін қарымта кездесуде шешілетіні мәлім.
30.07.10. Зейнеп АХМЕТОВА: Қыз тәрбиелі болса, келін өнегелі болады Өзге ұлттың қыз балаларын қайдам, біздің қазақтың қыздарының құлағын тесіп, сырға салуы міндетті сияқты көрінеді. Құлағында сыңғырлаған сырғасы бар қазақ қыздары ерекше сұлу, ерекше әдемі. Сырға таққан қыздарға ақындар өлең арнап, сазгерлер сырлы ән шығарған. Сырғалы сұлуларын әнге қосып жүрген әншілер қаншама! Ал біз осы қарапайым өмірде қыздың құлағын не үшін тесетініне үңіліп көрдік пе? Жалпы, қазақ қыздарының құлағын қай жаста тескен? Құлақ тесіп, сырға салып қоюдың не мәні бар? Айдарымыздың тұрақты кейіпкері Зейнеп апайымыздың бұл жайлы не айтары бар? Сонымен...
29.07.10. Қырғыз БАҚ-тарының хабарлауынша, Қырғызстандағы биылғы туристік маусым өзін-өзі ақтамақ түгілі, туроператорларды қарызға белшеден батырып отыр. Есесіне, отандық туроператорлардың сүйіншісі зор: әдетте Ыстықкөл жағасында демалатын қазақ туристері биыл ел ішінде қалып, ішкі туризмнің дамуына мол үлес қосуда. Кейбір деректерге сенсек, Қырғызстанда жылына жүз мыңдаған қазақ азаматтары демалатын еді. Биыл отандық саяхатшылар Ыстықкөлдің орнына Бурабай, Алакөл, Ертіс, Каспий, тіпті Қапшағайды таңдап, ішкі сұранысты арттырып отырса, шет мемлекеттерінің ішінде Түркия мен Қытайдың Хайнань аралдарын сапарлап жатыр. Десе де, отандық туристік компания өкілдері өз өкініштерін де жасырмайды: ішкі туристік бағыттар Қырғызстандағы дүмпулерден кейін таңдалып отырған сияқты. Ал отандық туризм кластерінің барынша дамып, ішкі бағыттардың тұрақты түрде үлкен сұранысқа ие болуы үшін саладағы қордаланған мәселелерді, оның ішінде, ең бастысы, баға саясатын қайта қарастыру қажет.
29.07.10. немесе еліміздегі неке агенттіктерінің қызметі қандай? Олар батыста он жетінші ғасырдың 50-жылдары пайда болған. Үш ғасыр ішінде қызметі өркендеп, қанатын кеңге жайыпты. Нарық заманы орнағалы біздің қоғамға да сыналап кірген қызмет түрінің бірі - неке агенттіктері бүгінде бизнес көзіне айналып бара жатқандай. Бір Алматының өзінде жұбыңызды тауып, бір басыңызды екеу етiп беремін деп құлшынып отырған оннан аса осындай агенттік бар екен. Бұл біздің ғаламтордан мекен-жайларын тапқандарымыз ғана. Оларға еліміздің өзге аймақтарында «бизнесін дөңгелентіп» жүргендерді қосып қойыңыз.
29.07.10. Осыған дейін біз әлемдік даңқы бар сарапшылардың пайымдауы бойынша көп ұзамай-ақ дағдарыс болатынын және оның қоздырушы себептерін жазған едік. Бұл жолы енді сол сарапшылардың болжамдарындағы өзімізше «осы ақиқатқа жақындау-ау» дегендеріне сүйене отырып, алда болуы мүмкін жаңа дағдарыстың қандай сипатта өрбитіндігі жайлы әңгіме қозғамақпыз. Өйткені қазақ «қамданған қапы қалмайды» деген. Сондықтан әуелі 2007 жылдың тамызында басталған бүкіләлемдік дағдарыстың «салқыны тиген» салаларға назар аударып алған дұрыс. Ендеше, біз де экономика ғылымының осы заңына сүйеніп әңгімемізді түзейік.
Отандық телеарналар қазақ көрермені үшін күресе ала ма?
29.07.10. Осы аптада Байланыс және ақпарат министрлігі мен Қазақстан теле-радиотаратушылары арасында ынтымақтастық жөнінде меморандумға қол қойылды. Енді отандық телеарналар жергілікті көрермендер үшін үкіметпен бірлесіп күреспек. Басты мақсаттардың бірі - Қазақстанның имиджін көтеру бағытында бірлесе жұмыс істеу, жастарды рухани тәрбиелеу және телеарналардың әлеуметтік жауапкершілігін сезіндіру. Кездесуде телеарналардағы тілдік ахуал да әңгіме өзегіне айналды.
29.07.10. Оразәлі БАЙМҰРАТ, КТК телеарнасы жаңалықтар бөлімінің шығарушы редакторы: Мемлекеттік тілдегі телеарна - қазақ тележурналистерінің ұлы арманы
