Қазақстанда шағын және орта бизнес (ШОБ) соңғы бес жылда тұрақты өсіп, бүгінде ел экономикасының шамамен 40%-ын қамтамасыз етіп отыр, – деп хабарлайды Aikyn.kz сайты.
Оның айтуынша, осы кезеңде ШОБ саласында жұмыспен қамтылғандар саны шамамен 30%-ға артқан. 2026 жылғы 1 маусымдағы жағдай бойынша елде 2, 806 миллион салық төлеуші тіркелген. Бұл жыл басымен салыстырғанда 367 мыңға көп. Ал өзін-өзі жұмыспен қамтығандар саны 543,5 мың адамға жеткен.
Биылғы бес айдың қорытындысында салық түсімдері 18%-ға, ал қосылған құн салығы (ҚҚС) бойынша түсімдер 45,1%-ға өскен.
Министрдің сөзінше, экономиканың негізгі өсімі өңдеу өнеркәсібі, машина жасау, құрылыс, фармацевтика, химия, азық-түлік өндірісі, көлік, сауда және ауыл шаруашылығы салалары есебінен қамтамасыз етілуде.
Серік Жұманғариннің бағалауынша, 2026 жылдың қорытындысында Қазақстан экономикасының өсімі кемінде 5% болады.