«Жастар Рухының» негізгі міндеттерінің бірі – Мемлекет басшысының Әділетті Қазақстанды құру жөніндегі реформаларын жүзеге асыру жолында жастардың күшін біріктіру. Жастар қанаты көптеген ірі әлеуметтік, патриоттық және мәдени бастаманы жүзеге асыруда.
«Жастарға жұмыс» жобасы аясында еліміздің барлық өңірінде және ірі қалаларда жастарға арналған бос орындар жәрмеңкесі ұйымдастырылды. Нәтижесінде 25 мыңнан астам жас жұмысқа орналасуға жолдама алды. Экологиялық сауаттылықты арттыруға баса мән беретін «Tazalike» жобасы өз жалғасын тауып отыр. Жоба аясында еліміздің барлық өңірінде 100 мыңнан астам адамның қатысуымен 1100-ден аса экологиялық акция өткізілді.