Жалпы сайыс 7 тақырыптық айналымнан тұрды. Әр айналымда 8 сұрақтан, барлығы 56 сұрақ қойылды. Жеңімпаздарға арналған жүлде қоры – 4 миллион 700 мың теңге.
– Сұрақтардың басым бөлігі Абай Құнанбайұлының өмірі, шығармашылығына арналған. Жобаның негізгі мақсаты – ақын мұрасын осы 180 жылдық аясында дәріптеу, шығармашылығымен таныстыру, – дейді ұйымдастырушылардың бірі Қуаныш Молдақашев.
Ойынға барлығы 1 080 адам жиналған. Бұл – еліміздегі куиз форматындағы ойындар арасында бұрын-соңды болмаған көрсеткіш, – дейді ұйымдастырушылар. Енді бұл нәтижені Қазақстан рекордтар кітабына енгізуді жоспарлап отыр.
Мейір ЖАСЫН