Денсаулық сақтау саласының мамандарына ІІІ дәрежелі «Барыс», «Парасат», «Құрмет» ордендері, «Ерен еңбегі үшін», «Шапағат» медальдары, «Қазақстанның еңбек сіңірген дәрігері» құрметті атағы берілді.
ІІІ дәрежелі «Барыс» орденімен – Мырзакәрім Алшынбаев пен Құралбай Құрақбаев наградталса, «Парасат» орденімен – саланың алты маманы, атап айтсақ, Ғалия Әлібекова, Ермек Әубәкіров, Қамидолла Ирменов, Оңласбек Құлакеев, Надежда Петерсон, Шыңғыс Шашкин марапатталды.
«Құрмет» ордені – Шолпан Алтынова, Сырданқыз Ибатова, Шахимұрат Исмаилов, Тимур Қапышев, Ғалия Түсіпбекова, Сәуле Түсіпбековаға табыс етілді.
Мемлекет басшысы жарлығына сәйкес, денсаулық сақтау саласындағы жемісті қызметіне орай «Ерен еңбегі үшін» медалі 12 адамға, «Шапағат» медалі 9 маманға берілді.
Сондай-ақ «Қазақстанның еңбек сіңірген дәрігері» құрметті атағы – Орынбай Дайырбеков, Азамат Мағзұмов, Сергей Новичевский және Жексенбай Нысановқа берілді.