Байқоңыр – ғарыш қақпасы

Қасым-Жомарт Тоқаев ғарыш са­ласы қызметкерлері мен арда­гер­­леріне арналған бейнеқұттық­тауын­да айлақтың мыңдаған жаңа­лық­қа куә болғанын атап өтті. 

«Қадірлі ғарыш саласының қыз­меткерлері мен ардагерлері!

Баршаңызды «Байқоңыр» ға­рыш айлағының құрылғанына 70 жыл толуымен құттықтаймын!

1957 жылы дәл осы арадан жа­сан­ды Жер серігі ұшырылып, ға­рыш­­ты игеру дәуірі басталды. Көп ұзамай, 1961 жылы айлақтан тұң­ғыш ғарышкер Юрий Гагарин көк жү­зіне аттанды. Бұл тарихи оқиға жаһан жұртшылығын біріктіріп, адам­заттың ғылым мен өркениет прог­ресіне деген сенімін нығайтты. Со­дан бері Байқоңырдан мыңдаған Жер серігі ұшырылып, ондаған мис­­сия орындалды. Мұнда көрнек­ті ғалымдар, конструкторлар мен ин­женерлер жұмыс істеді. Ұлы же­тістіктердің бастауында тұрған бар­лық маманға шексіз риза­шы­лығымды білдіремін!», – деді Пре­зи­дент.

Сонымен қатар Мемлекет бас­шы­­сы айлақтың қазақ жерінде ор­­­­наласқаны да ерекше мәртебе еке­ніне тоқталды. 

«Біз әлемдегі ең ірі ғарыш ай­ла­ғының қазақ жерінде орналас­қа­нын ерекше мақтан тұтамыз. Хал­қы­мыздың қаһарман ұлдары Тоқ­тар Әубәкіров, Талғат Мұсабаев жә­не Айдын Айымбетов осы ара­дан космосқа аттанды.

Еліміз халықаралық ғарышты игеру ісінің белсенді мүшесі сана­ла­ды. «Байқоңыр» айлағы – Қазақ­стан мен Ресейдің достыққа, тату көр­шілікке және өзара түсіністікке не­гізделген ұзақмерзімді стра­те­гия­лық серіктестігінің жарқын кө­рінісі», – деді Қ.Тоқаев. 

Президент соңғы онжыл­дық­тарда Қазақстан ұлттық эко­но­ми­ка­ның дамуына ықпал ететін бір­қа­тар ауқымды ғарыш жобаларын іске асырғанын атап өтіп, «Еліміз Байқоңырды халықаралық ын­ты­мақтастықтың, ғылым мен бі­лім­нің және туризмнің орталығына ай­налдыруға ұмтылады. Ғарыш қыз­метінің жаңа нарықтарына шы­ғу, жас инженерлердің, конс­т­рук­­тор­лар мен ғалымдардың әлеуе­тін арт­тыру жарқын болашақ­қа жол аша­ды. 

Осы орайлы сәтті пайдаланып, Бай­­қоңыр қаласының тұрғын­д­а­ры­на айрықша алғыс айтқым ке­леді. Сіздер табанды еңбек етіп, ға­­рышты зерттеу ісінің ізашарлары­нан қалған мол мұраны мұқият сақ­тап келесіздер. Бұл – зор құр­мет­ке лайық. Ғарыш саласы бүкіл адам­затты әрдайым ортақ мақсатқа жұмылдырып, жаңашылдық пен ғылыми-техникалық прогреске бас­тайды. Байқоңыр алдағы уақыт­та да ұлы жаңалықтар мен озық ин­новациялардың қайнар көзі бо­ла береді деп сенемін!», – деді Пре­зидент.

 Мемлекет басшысы атап өт­кен­­дей, Байқоңыр ғарыш айлағы адам­зат өркениетінің ең үлкен же­тіс­тіктерінің бірі саналады. Бай­қоңыр әлемдегі тұңғыш ғарыш ай­лағы еді. Сонымен қатар бұл жер­ден тұңғыш ғарышкер көкке кө­теріліп қана қоймай, адамзат ба­ласы жасап, Айға қондырған ал­ғашқы аппарат ұшырылды. 1959 жылдың 13 қыркүйегінде «Луна-2» аппараты Айға қонған еді. Со­нымен қатар Байқоңырдан ұшы­рыл­ған аппараттар Шолпанға да, Марсқа да қонғаны бар. Көптеген ұлттардың тұңғыш ғарышкерлері де Байқоңырдан ұшты. Бір сөзбен айт­қанда, айлақтың адамзат тари­хын­дағы орны ерекше. Мемлекет бас­шысы арнайы құттықтау жолдап, Бай­қоңырдың мән-маңызына лайық­ты баға беріп, болашағына үл­кен сенім білдірді.