БҚО Теректі ауданында 43 жастағы әйел жолда бағдарынан айырылып, құтқарушылардан көмек сұрады. Ол 10 жастағы ұлымен бірге Сарыөмір ауылынан Дуан ауылына қарай жеңіл автокөлікпен жолға шығып, адасып қалған, – деп хабарлайды Aikyn.kz.
Даланың қараңғы болуы және әйелмен байланыстың кенеттен жоғалуып кетуі іздеу жұмыстарын қиындатты. Жұмысты жеделдету мақсатында ТЖМ қосымша күштері мен құралдары, сондай-ақ 3 ұшқышсыз ұшу аппараты жұмылдырылған.
- Жұмыла жасалған жұмыс нәтижесінде бала мен оның анасы Теректі ауданы Рыбцех ауылының маңында ақау шыққан көліктен табылды. Жоғалғандар медициналық көмекке мұқтаж болмай, елді мекенге жеткізілді, – делінген ақпаратта.
ТЖМ жүргізушілерге маршрутты алдын ала жоспарлап, жақындарыңызға жоспарыңыз туралы хабарлауға кеңес береді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.