Халықтың талап-тілектерін шешу, партиялық жобаларды жүзеге асырудағы тәжірибелерімен бөлісіп, алдағы партиялық жұмыстың мақсат-міндеттерін пысықтады. Облыстық партия филиалының атқарушы хатшысы Берген Беспалинов жиында партияның негізгі күші боп саналатын бастауыш ұйымдардың рөліне ерекше тоқталды.
Ақмола облыстық мәслихатының төрағасы Бейбіт Жүсіпов сайлаушылармен тығыз байланыс орнату бастауыш партия ұйымдарының негізгі мақсаты екенін атап өтті.
Облыстық партия филиалы атқарушы хатшысы Ақманат Әлімбетованың жиналғандар алдында жасаған есебі бойынша, бүгінде облыста 274 бастауыш партия ұйымында 38 мыңнан астам мүшесі бар екен.
«Партиялықтардың халықпен тығыз қарым-қатынас орнату міндеті өз нәтижесін беруде. Соңғы екі айдың қорытындысы бойынша өңірде қоғамдық қабылдау бөлмелеріне 1646 өтініш келіп түсіп, оның 1021 өтініші оң шешімін тапты. Ал, «Қарызсыз қоғам» жобасы аясында дәл қазіргі уақытқа дейін облыстың 1071 азаматы қаржылық сауаттылығын арттырған. Жыл соңына дейін барлығы 8200 азаматы оқыту жоспары тұр», – деді Ақманат Әлімбетова.
Былтырдан бері «Ауыл аманаты» жобасы бойынша ақмолалық ауыл тұрғындарына 1,2 млрд теңге сомасында 198 тұлғаға несие берілген. Ал «Жер аманаты» жобасы аясында жекеге заңсыз өткен 203 мың гектар жер мемлекет меншігіне қайтарылған.