Google China бұрынғы президенті Кай-Фу Ли және фантаст-жазушы Чен Цюфан сияқты бірқатар футуролог «молшылық» немесе «тапшылықтан» кейінгі дәуірдің пайда болуы туралы айтады. Олардың негізгі логикасы жасанды интеллект бүгінде шешілмейтін мәселелерді шеше алатынына байланысты. Мысалы, ол адамзат үшін қолайсыз климаттық өзгерістерге төтеп беруге көмектеседі және өркениетімізге қуат беретін энергияның құнын түбегейлі төмендетеді.
Қазақстанда жасанды интеллект тетіктерін және біздің елімізде жасанды интеллекттің даму перспективаларын нақтылау қажет. Біз қазірдің өзінде әлемнің озық елдерінде басталған ЖИ кең ауқымды қолдануды түсіну, тұжырымдамалау, реттеу және стратегиялық жоспарлау процесінің бастапқы кезеңінде тұрмыз.
Біріншіден, ел нарығында ЖИ қолданудың нақты түсінігі мен стратегиясы әлі жоқ. Сонымен қатар Қазақстанда қазірдің өзінде ЖИ-ді әртүрлі салада: медицинадан бастап білім беру саласына дейін, тіпті саясатта қолдану мысалдары бар.
Екіншіден, әлемнің көптеген еліндегідей Қазақстанда адамның жасанды интеллектпен әрекеттесуін реттеудің нақты нормалары мен ережелері жасалмаған.
Үшіншіден, егер біз құрамдас бөлігі болып табылатын жаһандық экономика құрылымындағы ЖИ-дің бұлтартпастығы мен ауқымы туралы айтатын болсақ, бұл мамандарды дайындау, қайта даярлау мәселесін алға тартады.
Төртіншіден, бұл ғылымға және ЖИ-ге қатысты мәселелерді қамтиды, оған өте ауқымды сұрақтар – ЖИ-ге қатысты теориялық зерттеулерден бастап қолданбалы ұсыныстарды әзірлеуге пәнаралық көзқарасқа дейінгі проблемалар кіреді.
Еркін ТҰҚЫМОВ,
Қазақстанның стратегиялық зерттеулер
институты директоры