Қаңтар-қараша айларында сотқа дейінгі тергеп-тексерулердің бірыңғай тізілімінде "алаяқтық" бабымен 40 мыңнан астам қылмыстық құқық бұзушылық тіркелген.
Биыл елімізде алаяқтар 100 миллиард теңгеге жуық қаржыны қолды қылған
876
оқылды

Олардан келген жалпы шығын 97 млрд теңгені құрайды, – деп хабарлайды Aikyn.kz.

Бұл ретте, мұндай бұзушылықтардың жартысына жуығы интернет-алаяқтыққа тиесілі – 19,9 мың жағдай. Бұдан әрі төлем карталарын пайдалана отырып алаяқтық жасау – 267 жағдай, несиелеу саласында – 53 жағдай және ақшалай қаражатты қарызға алу арқылы – 41 жағдай тіркелген.

Алаяқтық фактілерінің көбі Алматыда орын алған (8,5 мың жағдай). Антилидерлер тізімінде: Астана – 6,5 мың жағдай және Қарағанды облысы – 3,3 мың жағдай есепке алынған.

Ал ең төмен көрсеткіштер Ұлытау (397 жағдай), Қызылорда (615 жағдай) және Жамбыл (806 жағдай) облыстарында тіркелді.

Жыл басынан бері 6 мың азамат жауапкершілікке тартылған.