Slashgear.com сайтының хабарлауынша iPad және MacBook Air сияқты бірнеше Apple өнімдерінің жаңартылған үлгілері келесі жылдың басында жарияланады. Aikyn.kz осы материалға сүйене отырып, Apple-дің жаңа өнімдерінің техникалық сипаттарын талдайды.
Фото Slashgear.com сайтынан алынды. Авторы: mama_mia/ Shutterstock
Компанияның инновациялық жоспарымен таныс адамдардың ақпаратына сенсек iPad-тың жаңа буыны үлкенірек және маңызды жаңартулармен шығады деп күтілуде. Өз тарихында алғаш рет iPad Air екі өлшемде шығарылады: қазіргі 10,9 дюймдік нұсқаға қосымша 12,9 дюймдік модель қосылады. Екі нұсқада да Wi-Fi немесе ұялы байланыс қолжетімді болады және опциялардың кең ауқымы ұсынылмақшы.
Бес жылдан бері көп өзгере қоймаған iPad Pro айтарлықтай жаңарып, M3 чипімен және OLED экранымен жабдықталады. iPad Pro төрт үлгіде шығады деп күтілуде.
Bloomberg-тің инсайдерлік ақпараты расталса, жаңа iPad құрылғылары 2024 жылдың наурыз айының соңына қарай нарықта ұсынылады. Дәл сол кезеңде iPadOS 17.4 те бірге шығарылуы мүмкін. MacOS 14.3 жаңа жылдың басында шығарылады.
Фото Getty Images сайтынан алынды. Авторы: Shahid Jamil
Жаңа және жетілдірілген iPad тізбегінен басқа, Apple келесі жылы 13 дюймдік және 15 дюймдік MacBook Air M3 шығарады деп күтілуде. Ол Apple компаниясының соңғы кремний чипімен жұмыс істейтін MacBook Pro буынын жаңартады.
Сондай-ақ, күшті алюминий жақтаулары бар Magic пернетақталары, жиі айтылып жүрген Vision Pro AR гарнитурасы да 2024 жылдың басында шығарылмақ.
Ал тұтынушылар келесі жылдың соңында iPhone 16 және жаңартылған AirPods-тің үлкен нұсқаларынан басқа, Apple Watch сағатын шығарады деп үміттенеді. Осындай жаңалықтарға қарағанда 2024 жыл Apple үшін көп жағынан табысты жыл болатын сияқты.