РФ Қорғаныс министрі Сергей Шойгу Украинамен келіссөзге дайын екендерін мәлімдеді. Бұл туралы ол Қытайдың Бейжің қаласында өтіп жатқан X Сяншань форумында айтты, деп хабарлады Aikyn.kz rbc.ru сайтына сілтеме жасап.
"Ресей билігі Украина дағдарысынан кейінгі жағдайды реттеп, Батыс елдерімен ынтымақтастықты қайта нығайтуға дайын. Жалпы, біз саяси пікірталасқа әзірміз", – деді ол.
Оның сөзіне қарағанда, келіссөздер екі жаққа да тиімді болу керек. Екі жақ проблеманы шешу үшін бәріне шынайы қарауға тиіс.
Сонымен бірге ол әлемдегі ядролық қару бар мемлекеттер бір-біріне құрметпен қарап, дүниежүзінде көпполярлы әлем құру үшін халықаралық қауіпсіздік мәселесін қайта қарау керектігін айтты.