Кездесуді ғылыми орталықтың Құқықтық және кадр бөлімінің бас маманы Айжан Ожабекқызы жүргізді. Жиын барысында Президент Қасым-Жомарт Тоқаевтың Жолдауын толық түсіндірді.
Ұлттық ғылыми орталық қызметкерлері қалада мектеп, балабақша орындарының жетіспеушілігі, ауызсу және көптеген өзекті әлеуметтік мәселелермен қатар өз сұрақтарын ортаға тастады.
Азаматтарға кеңес беріп, оларды толғандырған мәселелерді шешумен қатар, партияның қоғамдық қабылдауларында Мемлекет басшысының Жолдауын түсіндіру жұмысы да белсенді жүргізіліп келеді.
– Ауызсу тапшылығы, коммуналдық төлемдердің өсімі мен бағалардың тұрақсыздығы сияқты сұрақтар жұртшылықты көптен бері мазалап отыр. Приезидент өзінің Жолдауында «Жер аманаты», «Ауыл аманаты», «Қарызсыз қоғам» сияқты ел үшін маңызды жобалар осындай әлеуметтік және экономикалық мәселелерді шешудің жолдарын мен бастамаларын айтты. Мұндай жобалар өз кезеңімен ел экономикасын көтеруге бағытталған», – деп атап өтті Әйгерім Уәлиева.
Сонымен қатар «AMANAT» партиясының өкілі қызметкерлерге ел Президентінің халыққа арналған Жолдауы аясында Ұлттық орталық қойған мақсаттарға жету жолында қайсарлық пен табандылық тіледі.