АҚШ-тың Техас штатындағы Форт-Уэрте қаласында атыс салдарынан үш адам қаза тауып, сегізі жарақат алды,– деп мәлімдеді Reuters.
Полицияның айтуынша, атыс 4 шілде – АҚШ тәуелсіздігі күнін тойлау кезінде түн ортасында автотұрақта болған.
Зардап шеккендердің бірі сол жерде, ал екеуі ауруханада көз жұмды. 8 адам ауруханаға жеткізілді.
Қайғылы оқиға Тәуелсіздік күніне орай жыл сайын өткізілетін жергілікті ComoFest фестивалі аяқталған соң бірнеше сағаттан кейін Комо Форт-Уэрт ауданында болған.
Әзірге қанша адам оқ атқаны және неліктен мұндай әрекетке барғаны белгісіз. Тұтқынға алынғандар туралы мәлімет таратылмады.
Фото: CNN