Ақтөбе облысында 19 жастағы жігіттің мәйіті табылып, аталған дерек бойынша қылмыстық іс қозғалды, – деп хабарлайды Aikyn.kz сайты.
Облыстық Полиция департаментінің мәліметінше, алдын ала болжам бойынша жігіттің өліміне найзағай соғуы себеп болған.
– 19 жастағы жігіттің мәйітінің табылу фактісі бойынша қылмыстық іс қозғалды. Алдын ала мәліметтерге сәйкес, өлім атмосфералық электр тогының әсерінен, яғни найзағай соғу салдарынан болған, – деп хабарлады Ақтөбе облыстық ПД баспасөз қызметі.
Қазіргі уақытта оқиғаның барлық мән-жайын анықтауға бағытталған тергеу амалдары жүргізіліп жатыр.