Алматыда жекеменшік мектептің 7-сынып оқушысы қайтыс болды, – деп хабарлайды Aikyn.kz сайты.
Мектеп мәліметінше, қайғылы жағдай оқу орнының аумағынан тыс жерде болған.
«7-сынып оқушысының өліміне қатысты жағдай мектеп аумағында болмаған. Қазіргі уақытта оқиғаның мән-жайын құзырлы органдар анықтап жатыр», – деп хабарлады оқу орнынан.
Сондай-ақ мектепте барлық қауіпсіздік шарасы сақталып отырғаны және оқушыларға психологиялық қолдау көрсетілетіні айтылды.
- Алматы қаласы полиция департаменті бұл ақпаратты растады. Бостандық аудандық полиция басқармасы оқиға бойынша қылмыстық іс қозғады. Қазіргі уақытта оқиғаның себебі мен мән-жайы анықталып жатыр, – деп хабарлады ПД баспасөз қызметі.