«Қазақстан темір жолы» ҰК» АҚ деректеріне сәйкес, 2025 жылғы қыркүйектен 2026 жылғы наурызға дейінгі кезеңде астық пен ұнның астық баламасындағы экспорты 8,9 миллион тоннаны құрады, – деп хабарлайды Aikyn.kz. Бұл өткен жылдың осы кезеңімен салыстырғанда 1 миллион тоннаға артық (7,9 млн тонна).
Экспорттың негізгі бағыттары бойынша оң динамика байқалады.
Атап айтқанда, Өзбекстанға жеткізілімдер 14%-ға өсіп, 6,6 млн тоннадан 7,5 млн тоннаға жетті. Қырғызстанға экспорт 1,8 есеге артып, 194 мың тоннадан 354 мың тоннаға дейін көбейді. Ауғанстанға жеткізілім көлемі 24%-ға өсіп, 1,1 млн тоннадан 1,3 млн тоннаға жетті. Түрікменстанға экспорт 1,5 есеге ұлғайып, 94 мың тоннадан 145 мың тоннаға дейін артты.
Агроөнеркәсіптік кешеннің экспорттық әлеуетін арттыру жұмыстары жалғасуда.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.