Парламент Сенаты Төрағасының орынбасары Ольга Перепечина мен депутат Әсем Рахметова өңірдегі еңбек ұжымдарымен кездесулер барысында жария етілген конституциялық өзгерістер әлеуметтік салаға, еңбек кепілдіктеріне және азаматтардың құқықтарын қорғауға қалай әсер ететіні туралы айтты. Педагогтер мен кәсіпорын қызметкерлері үшін реформалардың практикалық маңызы басты назарда болды.
Бірінші кездесу Ахмет Байтұрсынұлы атындағы №9 мектептің педагогикалық жұртшылығымен өтті. Қатысушылар педагог мәртебесі, кәсіби қорғау кепілдіктері және жетілген құқықтық мәде-ниетті қалыптастырудағы білімнің рөлі туралы мәселелерді талқылады.
Сенат депутаттары Нұрлан Бекназаров пен Айгүл Қапбарова «AMANAT» партиясындағы коалиция мүшелерімен бірлесе отырып Жолдасбеков атындағы № 9 лицей ұжымымен және Шымкент қаласының № 2 көпсалалы ауруханасының қызметкерлерімен кездесті.
Парламентшілер жаңа Конституция жобасының негізгі ережелерін түсіндіріп, ол нақты өзгерістер туралы емес, еліміздің одан әрі дамуын айқындайтын стратегиялық құжат екенін атап өтті. Қатысушыларды әлеуметтік кепілдіктерді сақтау, мемлекеттік басқару жүйесін жаңғырту, сондай-ақ білім беру және денсаулық сақтау салаларын дамыту мәселелері қызықтырды. Нұрлан Бекназаров ұсынылған өзгерістер құқықтық мемлекетті нығайтуға және азаматтардың билік институттарына деген сенімін арттыруға бағытталғанын атап өтті. Айгүл Қапбарова әлеуметтік мемлекет қағидатына және адами капиталды дамытудың басымдығына назар аударды.
Сенатор Ернұр Әйткенов жалпыұлттық коалиция аясында Павлодар облысында кездесулер өткізді. Жұмыс облыстық коалиция штабының қызметімен танысудан басталды. Сенатор жүргізіліп жатқан түсіндіру жұмыстарының жүйелі сипатын атап өтіп, жаңа Конституция жобасының ережелері туралы азаматтарды хабардар ету жөніндегі алдағы қадамдарды жұртшылық өкілдерімен бірге талқылады. Өңір жастарымен кездесу барысында конституциялық реформаның негізгі бағыттары жан-жақты түсіндірілді.
Сенат депутаттары Геннадий Шиповских пен Марат Қожаев қала тұрғындарымен және еңбек ұжымдарымен кездесулер өткізді. Онда конституциялық реформаның негізгі бағыттары мен 15 наурызға белгіленген жалпыұлттық референдумның маңыздылығын түсіндіру негізгі тақырып болды. Сенаторлар «Есіл» ауданының Ардагерлер кеңесінің мүшелерімен және аға буын өкілдерімен кездесті. Ашық диалог барысында саяси жүйені жаңғырту, құқықтық мемлекет қағидаттарын нығайту және әлеуметтік басымдықтарды сақтау мәселелері талқыланды.
Сенат депутаттары Бекболат Орынбеков пен Сәкен Арубаев Жуалы ауданының тұрғындарымен және Жамбыл облысының белсенді зиялы қауым өкілдерімен кездесті. Жаңа Конституцияның жобасы талқылаудың негізгі тақырыбы болды.
Сенаторлар кездесулер барысында құжаттың негізгі ережелерін түсіндіріп, еліміздің ұзақмерзімді стратегиялық дамуының құқықтық негізі ретіндегі маңызын атап өтті. Ұсынылған өзгерістер мемлекеттік институттарды нығайтуға, басқару жүйесін жетілдіруге және Қазақстанның тұрақты дамуын қамтамасыз етуге бағытталғаны айтылды.
Парламентшілер сондай-ақ алдағы 15 наурызда өтетін республикалық референдумның мақсаты мен маңызына тоқталып, бұл еліміздің одан әрі құқықтық болашағын айқындаудағы маңызды кезең екенін жеткізді.
Сенаторлар Амангелді Нұғманов пен Бауыржан Қаниев «Әділетті және Прогрессивті Қазақстанның халықтық Конституциясы үшін!» жалпыұлттық коалициясы шеңберінде Ақтөбе облысының әкімі Асхат Шахаровпен кездесу өткізді. Онда жаңа Конституция жобасының негізгі ережелерін түсіндіру және алдағы республикалық референдумға дайындық жұмыстарын үйлестіру жұмыстарының барысы басты назарда болды.
Сенаторлар ұсынылған өзгерістер азаматтардың құқықтары мен бостандықтарын кеңейтуге, мемлекеттік басқарудың тиімділігін арттыруға, әлеуметтік әділеттілікті нығайтуға және өңірлердің тұрақты дамуына бағытталғанын атап өтті.
Сенатор Алтынбек Нұхұлы жалпыұлттық коалиция аясында Павлодар облысында жаңа Конституция жобасының негізгі ережелерін талқылауға және түсіндіруге арналған бірқатар кездесу өткізді. Сенатор Талғат Жүнісов коалицияның республикалық штаб мүшелерімен бірлесе отырып жаңа Конституцияның жобасын түсіндіру және алдағы республикалық референдумды талқылауға орай өңір тұрғындарымен және «Viamedis Қосшы», «Сапа су» ЖШС және «Дара Business Academy» жекеменшік мектебінің еңбек ұжымдарымен кездесулерін өткізді. Білім, ғылым және инновация алғаш рет Қазақстанның болашағының іргетасы ретінде Негізгі заң жобасының кіріспесінде тікелей бекітілгеніне ерекше назар аударылды.
Сенат депутаттары Амангелді Есбай мен Ғалиасқар Сарыбаев Талдықорған қаласында Күләш Байсейітова атындағы музыка колледжінің ұжымымен және студенттерімен кездесті. Жаңа Конституцияның жобасы және елімізде жүргізіліп жатқан саяси реформалар талқылаудың негізгі тақырыбы болды. Сенатор Амангелді Есбай кездесуді аша келіп, жаңа Конституцияның жобасы саяси жүйені дәйекті жаңғыртудың және биліктің ашықтығы мен есептілігі қағидаттарын нығайтудың маңызды кезеңі болып табылатынын атап өтті. Сенатор Ғалиасқар Сарыбаев талқылауды жалғастыра келіп, қайта құру үдерісіне қоғамдық қатысудың маңыздылығына назар аударды. Сенаторлар сондай-ақ Ескелді ауданының педагогтерімен және Қайнарлы ауылдық округінің тұрғындарымен кездесті.
Сенат депутаттары Бибигүл Жексенбай мен Дархан Қыдырәлі Ұлттық мұрағат ұжымымен кездесіп, жаңа Конституцияның жобасын және оның қоғам үшін маңыздылығын талқылады. Жүздесуге қатысушылар бұл өзгерістер азаматтардың құқықтарын қорғау, дербес деректердің қауіпсіздігі және әділдік пен жауапкершілікті қамтамасыз етудегі мемлекеттің рөліне қалай әсер ететінін айтты. Бибигүл Жексенбай жаңа Конституцияның әр адамның күнделікті өміріне қатысты құжат екенін атап өтті. Дархан Қыдырәлі мұрағат саласының реформалар жағдайындағы маңызына назар аударды.
Сенатор Ләззат Рысбекова Орал қаласындағы №5 емхананың еңбек ұжымымен, сондай-ақ «Сервис» технологиялық колледжінің оқытушыларымен және студенттерімен кездесті. Республикалық референдумға шығарылған жаңа Конституцияның жобасы талқылаудың басты тақырыбы болды. Депутат кездесу барысында құжаттың негізгі ережелерін жан-жақты түсіндірді.
Сенат депутаттары Сүйіндік Алдашев пен Бекбол Орынбасаров Маңғыстау облысына жұмыс сапары аясында Қазақстан Республикасының жаңа Конституциясы жобасының ережелерін түсіндіруге орай халықпен және еңбек ұжымдарымен бірқатар кездесулер өткізді. OIL Services Company кәсіпорнының қызметкерлерімен кездесуде конституциялық реформалардың мазмұны мен маңыздылығы түсіндірілді. Жаңаөзен қаласында Қазақ газ өңдеу зауыты мен KMG EP-Catering компаниясының ұжымымен де кездесті. Қатысушыларға жаңа Конституция жобасының негізгі ережелері, азаматтардың құқықтары мен бостандықтарын кеңейту тетіктері, сондай-ақ Парламент пен жергілікті жерлердегі өкілетті органдардың өкілеттіктерін күшейту мәселелері туралы айтылды.
Сенат депутаттары Сұлтанбек Мәкежанов, Нурия Ниязова және Жанна Асанова Алматы қаласына жұмыс сапары аясында әлеуметтік сала өкілдерімен бірқатар кездесу өткізді. Шаралар Қазақстан Республикасының жаңа Конституциясының жобасын түсіндіру жөніндегі жалпыұлттық коалицияның қызметі аясында өтті.
Қарағандыда жалпыұлттық коалицияның өкілдері Индустриалды-техникалық колледж оқытушыларымен және студенттерімен, сондай-ақ М.Жұмабаев атындағы гимназияның педагогикалық ұжымымен кездесті. Шаралар жаңа Конституцияның жобасын талқылауға арналды. Диалогқа сенатор Серік Өтешов, облыс және қала мәслихаттарының депутаттары, саяси партиялар мен бұқаралық ақпарат құралдарының өкілдері қатысты. Жаңа Конституция жобасында-ғы азаматтардың құқықтары мен бостандықтарын нығайту, адами әлеуетті дамыту және қоғамның мемлекеттік шешімдер қабылдауға қатысуын кеңейту жөніндегі негізгі ережелеріне баса назар аударылды.
Сенат депутаттары Шәкәрім Бұқтұғұтов пен Ольга Булавкина Шығыс Қазақстан облысының әкімі Нұрымбет Сақтағанов және облыстық мәслихат төрағасы Денис Рыпаковпен бірге жаңа Конституцияның жобасы мен алдағы республикалық референдум аясында өңірді дамытудың негізгі мәселелерін талқылады.