Батыс Қазақстан облысында қатты боран кезінде бір үйір жылқы қырылып қалды, – деп хабарлайды Aikyn.kz сайты.
Ақпарат әлеуметтік желілерде таралып жатыр.
Жарияланған бейнекадрларда ер адам қайғылы оқиға Қазталов ауданының Киров ауылында болғанын айтады. Оның айтуынша, ауа райының күрт нашарлаған сәтінде жылқылар су айдынында жүрген. Боран кезінде жылқыларды қар басып қалған, ал кейбіреулері мұз құрсауында қалып қойған.
Бейнежазбаға қарағанда, үйірді құтқару мүмкін болмаған. Жылқылардың көбі қырылып қалған. Қазіргі уақытта қырылып қалған жылқылардың нақты саны белгісіз әрі ресми түсінік берілген жоқ.