Азаматтардың өтінішін мұқият тыңдаған Тұран аудандық партия филиалының атқарушы хатшысы Есімхан Қалмаханұлы мәселені назарға алып, оны шешу мақсатында тиісті шаралар қабылданатынын және Тұран ауданы әкімдігімен бірлесіп бақылауға алынатынын жеткізді.
Партияның басты қағидаты – «Халық үніне құлақ асатын мемлекет» қағидасын жүзеге асыру және азаматтардың өтініштеріне дер кезінде жауап беру болғандықтан, аталған мәселе назардан тыс қалмады.
Нәтижесінде, Тұран ауданы әкімдігі мен «Тұран» КММ абаттандырылған нысандарды күтіп ұстау бөлімі бірлесе отырып, көрсетілген мекенжайға мамандарды жіберді. Тексеру жұмыстары жүргізіліп, жолдағы шұңқырлар тегістеліп, жөндеу жұмыстары толық көлемде атқарылды.
Бүгінде тұрғындар тарапынан айтылған мәселе шешімін тауып, футбол алаңшасына апаратын жол ретке келтірілді. Жергілікті тұрғындар өз өтінішінің жылдам орындалғанына ризашылықтарын білдіріп, партия өкілдеріне алғыс айтты.
«AMANAT» партиясы тұрғындардың әрбір өтінішіне мән беріп, олардың өмір сүру жағдайын жақсартуға бағытталған мәселелердің шешілуіне атсалысуды жалғастыра береді.
Елнар ЕЛТАЙ