Ақтөбе облысында тұрғын үйде жарылыс болып, бір адам көз жұмды, – деп хабарлайды Aikyn.kz.
«Бүгін Актөбе облысының ТЖД-ның 112 пультіне Абай даңғылы бойында орналасқан бес қабатты тұрғын үйдің 4-қабатында газ-ауа қоспасының жарылысы болып, соның салдарынан өрт шыққаны туралы хабарлама келіп түсті», – делінген Ақтөбе облысы ТЖД хабарламасында.
Оқиға орнына дереу жеткен облыстық ТЖД құтқарушыларының анықтауынша, жарылыс салдарынан шамамен 40 шаршы метр аумақта ашық жалын тұтанған. Сондай-ақ, 3 пен 4-қабат арасындағы аралық құрылымдардың ішінара құлағаны тіркелді.
Өрт толығымен сөндірілді. Өрт сөндірушілердің күшімен 73 адам эвакуацияланып, 1 адам құтқарылды.
Алдын ала мәлімет бойынша, бір адам қаза тапты.
Оқиға орнында облыстық Төтенше жағдайлар департаментінің бастығы жұмыс жүргізіп жатыр. Апаттық-құтқару жұмыстары мен үйінділерді талдау жалғасып жатыр. Оқиғаның себебі анықталып жатыр.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.