Шығыс Қазақстан облысында полицейлер ерекше бастаманы қолға алды, – деп хабарлайды Aikyn.kz.
ІІМ баспасөз қызметінің мәліметінше, сүт өнімдерінің қаптамаларына «Алаяқтардан сақ бол» деген жазуы бар арнайы QR-кодтар орналастырылды.
Кодты сканерлеу арқылы тұтынушылар облыстық Полиция департаментінің ресми парақшасына өтіп, қажетті ақпаратқа қол жеткізе алады.
– Біздің мақсатымыз – әр отбасына үн қату. Біз күнделікті тұтынылатын өнімдер арқылы әрекет етудеміз. Бұл – қарапайым, ыңғайлы әрі тиімді тәсіл, – деді ШҚО ПД Киберқылмысқа қарсы іс-қимыл басқармасының бастығы Д.Камалханов.
Бұл бастама халықтың цифрлық сауаттылығын арттыру және киберқылмыстың алдын алуға бағытталған.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.