Болат Аюханов атындағы би театрының ұжымы жаңажылдық мереке күндері гастрольдік сапармен ел аймақтарында аталған балетті сахналаған болатын. Екі актілі сахналық туындыға бейнеқойылымдар қосылған. ҚР мемлекеттік академиялық би театрының бас хореографы Гүлфида Ғафурқызы бұл қойылымның балама ретінде ұсынылғанын айтып өтті.
«Қыс біз үшін әрқашан «Щелкунчикпен» есімізде қалады. Сондықтан қазір барлық театрда жаңа-жылдық теңдесі жоқ «Щелкунчик» қойылымы көрсетілуде. Біз «Щелкунчикке» осындай балама жасап, «Қар ханшайымын» көрермен назарына ұсындық. Өйткені бұл да тамаша ертегі. Өте қызық әрі мейірімділікке үндейді», – деді ол.