Cингапурдегі технология және дизайн университетінің ғалымдары коронавирустың аяқталатын мерзіміне қатысты болжам айтты, – деп жазады 24.kz. Ғалымдардың жорамалы бойынша, Америка мен Еуропа құрлықтарындағы елдерде пандемияның шарықтау шегі шамамен мамырдың алғашқы жартысына сәйкес келмек. Нақтырақ айтсақ, АҚШ-та вирустың таралуы мамырдың 11-інде, Испания мен Францияда 3-інде, Италияда 7-сінде 97 процентке аяқталатын көрінеді. Ал Түркияда індет 15 мамырда тоқтаса, Үнді жерінде 21 мамырда аяқталуы мүмкін. Әлемде коронавирустың таралуы 100 процент 8 желтоқсанда сап тыйылады екен.
