АҚШ-тың Ньюарк қаласында өткен UFC 328 турнирінің басты жекпе-жегінде америкалық файтер Шон Стрикленд Хамзат Чимаевты жеңіп, чемпиондық белбеуді иеленді, – деп хабарлайды Aikyn.kz сайты.
Бес раундқа созылған тартысты кездесуде Стрикленд қарсыласынан дәл соққылар саны бойынша басым түсті. Ал Чимаев бірнеше сәтті тейкдаун жасағанымен, төрешілер жеңісті америкалық спортшыға берді. Есеп: 47:48, 48:47, 48:47.
Осылайша, Шон Стрикленд UFC-дегі чемпиондық атағын қайта қайтарды. Ал Хамзат Чимаев кәсіби мансабындағы алғашқы жеңілісіне ұшырады.
Жекпе-жектен кейін қос спортшы бір-біріне құрмет көрсетті.