Украинаның Үшінші армиялық корпусы Ресей әскерінің Лиман–Боров бағыты бойынша жасаған ең ірі механикаландырылған шабуылын тойтарды. Мәліметке сәйкес, қарсы тарап бір мезетте 7 бағыттан шабуыл жасап, 500-ден астам әскери мен ондаған техника тартқан.
Шабуыл барысында Ресей әскері 28 бронетехника, 100-ден астам мотоқұрал, танктер мен ауыр қару қолданған. Алайда украин бөлімшелері төрт сағат ішінде шабуылды тоқтатып, қарсыласты ірі шығынға ұшыратқан.
Алдын ала деректер бойынша, Ресей әскері 3 танк, 11 БМП мен БТР, 84 мотоқұрал және 160-тан астам дроннан айырылған. Сондай-ақ бір тәулікте 400-ден астам әскери шығынға ұшыраған. Украина тарапының мәліметінше, қарсылас бірде-бір позицияны басып ала алмаған.