Қазақстанның еңбек сіңірген қайраткері, әнші Қарақат Әбілдина әлеуметтік желіде Димаш Құдайбергеннің әжесімен бірге түскен бейнежазбасын жариялады, – деп хабарлайды Aikyn.kz сайты.
Видеода әншінің Димаштың әжесінен қызына сый алып жатқан сәті көрсетілген.
Димаштың әжесі әнші Қарақат пен оның қызына ақ тілегін айтып, бата берді.
– «Қарақат, жаным, келе жатқан мерекең құтты болсын! Құдайдан тілеп алған қызың ғой. Құдай оған бақыт, несібе, дәулет, береке берсін! Мына гүлді қызыңа апарып бер. Гүлдей жайнап жүрсін. Өмірлерің ұзақ болсын!», – деді ол.
Ал Қарақат Әбілдина апамызға алғысын білдіріп, ұзақ ғұмыр тіледі.
– «Міне, Димашымыздың әжесі Аялама керемет бата беріп жатыр. Бұрын Аяла ән айтып шыққанда, бірінші қатарда отырып, өзінің үлкен гүлін берген еді. Сол кезде қызым: “Маған Димаштың әжесі үлкен гүл берді ғой”, деп қуанып еді. Кішкентай болса да, баланың есінде қалыпты. Қандай керемет! Апау, өміріңіз ұзақ болсын! Мерекеңізбен!» – деді әнші.