"ҚазАвтоЖол" ұлттық компаниясы 25-27 қазан аралығында республикалық трассаларда ауа райының бұзылуы мүмкін екенін айтып, ескерту жасады, – деп хабарлайды Aikyn.kz сайты.
Ұлттық компанияның мәліметінше, Алматы, Шығыс Қазақстан және Жетісу облыстарында жаңбыр мен қар аралас жауын, сондай-ақ қар жаууы болжанып отыр.
"Сондықтан жүргізушілерден жылдамдық режимін сақтап, жолдағы қауіпсіздік ережелеріне көңіл бөлулерін және ауа райының нашарлауын ескерулерін сұраймыз", – делінген хабарламада.
Жол жағдайы туралы нақты ақпарат алу үшін "ҚазАвтоЖол" Call-орталығы тәулік бойы 1403 нөмірі бойынша қызмет көрсетеді.