Қызылордада алты жасөспірім мектептің дәретханасында 10-сынып оқушысын соққыға жыққан, – деп хабарлайды Aikyn.kz сайты.
Оқушының жақ сүйегі мен мұрны сынған, сондай-ақ ол ми шайқалу диагнозымен ауруханаға түскен.
Анасының айтуынша, бәрі мектеп чатындағы сөзге келіспеушіліктен басталған. Келесі күні сыныптасы оны «сөйлесуге» шақырып, қасына тағы бес досын ертіп келген. Біреуі оқиғаны видеоға түсірсе, екіншісі есікті сыртынан жауып тұрған.
Жасөспірімге ота жасалып, жақ сүйегі темір пластинамен бекітілген. Қазір ол қайтадан сөйлеуді және тамақ ішуге үйреніп жүр.
Полиция бұл дерек бойынша «Бұзақылық» бабымен қылмыстық іс қозғады. Күдіктілердің барлығы – кәмелет жасына толмағандар. Олар ұсталды.