Бүгін Мемлекет басшысы Қасым-Жомарт Тоқаев Қазақстан Республикасының инновацияға бағдарланған экономикасын дамыту мақсатында тарихи маңызы бар Жарлыққа қол қойды, – деп хабарлайды Aikyn.kz сайты.
Құжатқа сәйкес, Алматы агломерациясының әлеуетіне сүйене отырып, жаңа Алатау қаласына даму қарқыны озық қала деген арнаулы мәртебе берілді.
Президент Жарлығында қаланы халықаралық деңгейдегі іскерлік және инновациялық орталыққа айналдыру көзделіп отыр.
Негізгі бағыттар:
– Инновациялық экономика: жаңа технологияларды сынақтан өткізуге және енгізуге мүмкіндік беретін ерекше құқықтық режим енгізіледі.
– Инвестициялар тарту: шетелдік және отандық инвесторлар үшін қолайлы жағдай жасалады, оның ішінде крипто-активтер мен Web3 саласына байланысты құқықтық тетіктер қарастырылған.
– Smart City тұжырымдамасы: заманауи цифрлық инфрақұрылым, жасанды интеллект, IoT, eVTOL және робототехника енгізіледі.
– Жаһандық тәжірибе: басқаруда халықаралық стандарттар мен үздік практикалар қолданылады.