Қазақстандық былғары қолғап шебері Бейбарыс Жексен Ливерпульде (Ұлыбритания) өтіп жатқан әлем біріншілігінің 1/8 финалында жеңіске жетті, – деп хабарлайды Aikyn.kz.
Отандасымыз 60 келіге дейінгі салмақта ел намысын қорғап жатыр.
Ол 1/8 финалда үндістандық Сачинмен кездесті.
ҚР ҰОК мәліметінше, Бейбарыс гонг үні естіле салысымен қарсыласын тығырыққа тіреді. Екінші раундта да отандасымыз басымдығын сақтап қалды. Нәтижесінде төрешілердің шешімі бойынша 4:1 есебімен жеңіске жетті.
Осылайша, Бейбарыс Жексен (60 келіге дейін) ширек финалға жолдама алды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.