Солардың бірі – Райымбек ауданының Нарынқол ауылында бой көтеріп жатқан 250 адам қабылдайтын заманауи емхана. Жоба шалғайдағы тұрғындардың сапалы медициналық қызметке қолжетімділігін арттыруды көздейді.
Облыстық партиялық бақылау комиссиясының мүшелері нысанға барып, құрылыс барысын тексерді. Қазіргі уақытта жұмыстың 70 пайызы аяқталған. Жобаның жалпы құны шамамен 4,4 млрд теңгені құрайды. Емхананы 2025 жылдың қазан айында толық пайдалануға беру жоспарланған.
«Аудандағы фракция мүшелері ғимарат құрылысының сапасы мен уақтылы аяқталуын қадағалап отыр. Бұл емхана ашылған соң шалғай ауыл тұрғындарының сапалы медицинаға қолжетімділігі едәуір артады. Мұнда 10 төсек-орындық күндізгі стационар мен көз ауруларын хирургиялық жолмен емдейтін офтальмологиялық орталық ашылады», – дейді «AMANAT» партиясы Алматы облыстық филиалының атқарушы хатшысы Ерлан Жакупов.
Айта кетейік, облыс бойынша жоспарланған 38 медициналық нысанның 18-і қазірдің өзінде пайдалануға беріліп, ауыл тұрғындарына қызмет көрсетіп жатыр. Қалған нысандардың құрылысы кезең-кезеңімен аяқталып, өңірдегі медицина инфрақұрылымы айтарлықтай жаңармақ.
Елнар ЕЛТАЙ