Биыл 16 шілде мен 20 тамыз аралығында Қазақстанда Жұмысшы мамандықтар жылы аясында жастар арасында жұмысшы кәсіптерін насихаттауға және техникалық пен кәсіптік білімнің жағымды бейнесін қалыптастыруға бағытталған «Мен жұмысшы мамандығын таңдаймын» республикалық онлайн байқауы өтіп жатыр.
Байқау медиа-челлендж форматында ұйымдастырылады: колледжге түсуші талапкерлер мен 1-курс студенттері қысқаша бейнеролик түсіріп, өздерінің кәсіби таңдауы, мотивациясы мен болашақтағы мақсаттары туралы айтып береді. Қатысушылар жеке оқиғаларымен бөлісіп, неге дәл осы мамандықты таңдағанын және ол олар үшін неліктен маңызды екенін түсіндіреді.
Байқаудың мақсаты – жастардың жұмысшы мамандықтарына деген қызығушылығын арттыру, Жұмысшы мамандықтар жылы аясындағы іс-шараларға белсенді қатысуын қамтамасыз ету және қоғамда еңбек пен қолданбалы білімге деген құрметті нығайту.
Байқауды ұйымдастырушы: ҚР Оқу-ағарту министрлігі
Бейнежұмыстарды қабылдау 2025 жылдың 20 тамызына дейін жалғасады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.