Ақтауда 17 жастағы қыз із-түзсіз жоғалып кетті. Еріктілер қала тұрғындарынан барынша қыз баланы табуға көмектесуді сұрайды, - деп хабарлайды Aikyn.kz Аlmaty.tv-ге сілтеме жасап.
Lider.kz еріктілер қозғалысының мәліметінше, 17 жастағы Анара Гулуева 9 маусымда жоғалып кеткен. Ол кешкі сағат 20:00 шамасында Ақтаудағы 3-шағынауданында орналасқан үйінен шығып кетіп, қайтып оралмаған.
Сол уақыттан бері онымен байланыс үзілген.
Ерекше белгілері: бойы – 165-170 см, дене бітімі – орташа, шашы – ұзын, қою түсті, көзі – қоңыр.
Киімі: қара түсті майка, көк түсті жыртығы бар джинсы шалбар, қара кроссовка.
Полиция өкілдері Анара Гулуева туралы қандай да бір ақпарат білетіндер болса, +7 (700) 911-72-92 немесе 102 нөміріне хабарласуды сұрайды.
