Алматының орталық көшелерінде көлік қозғалысы шектеледі

Алматының орталық көшелерінде көлік қозғалысы шектеледі
Алматыда демалыс күндері The Spirit of Tengri фестивалі өтеді.

Осыған байланысты  бірқатар көше мен даңғылда көлік қозғалысына шектеу енгізіледі.

7-8 маусым күндері Алматыдағы Абай алаңында сағат 17:30-дан 22:30-ға дейін заманауи этникалық музыкаға арналған жыл сайынғы халықаралық The Spirit of Tengri фестивалі өтеді.

«8 маусым сағат 21:30-дан 22:45-ке дейін халықаралық музыкалық фестиваль аясындағы іс-шараларға байланысты көлік қозғалысы уақытша шектеледі: Абай даңғылы бойынша Назарбаев даңғылынан Достық даңғылына дейін, сондай-ақ Достық даңғылы бойында Құрманғазы көшесінен Сәтбаев көшесіне дейін. Уақытша қолайсыздықтарға түсіністікпен қарап, алдын ала жолыңызды жоспарлауыңызды сұраймыз", - делінген AlmatyJoly Telegram арнасында жарияланған хабарламада.

Еске салайық, бұған дейін Астанадағы бірқатар көшеде алдағы күндері қозғалыс шектелетінін жазған болатынбыз. 

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.