Акция аясында шығыстық «Жастар рухы» мүшелері қаламыздағы биік ғимараттарды қазақтың көк байрағымен безендіріп, ел рухын көтеретін ерекше атмосфера қалыптастырды, – деп хабарлайды Aikyn.kz.
Бүгінде мемлекеттік Ту, Елтаңба және Әнұран – әр қазақтың жүрегіндегі мақтанышы, тәуелсіз еліміздің басты құндылығы. Бұл рәміздер – халқымыздың бірлігі мен болашағына деген сенімінің символы.
«Біз бұл бастаманы жастардың бойында елжандылық пен патриоттық сезімді арттыру мақсатында ұйымдастырдық. Мемлекеттік рәміздер – бұл тек белгілер емес, олар – біздің өткеніміз, бүгініміз және жарқын болашағымыз. Осындай акциялар арқылы біз жастарды елін, жерін құрметтеуге шақырамыз», – дейді «Жастар рухы» ЖҚ ШҚО филиалының төрағасы Қорлан Туғанбаева.
Ел аман, бірлігіміз бекем болсын!
