Астана қаласындағы Байқоңыр ауданында 30 жастағы әйел «Қараөткел» көпірінен Есіл өзеніне секіріп кетті, - деп хабарлайды Aikyn.kz.
ТЖМ мәліметінше, оқиға күндіз болған. Бұл туралы куәгерлер шұғыл қызметтерге дереу хабарлаған.
Жақын маңда патрульде жүрген қалалық құтқарушылар оқиға орнына жедел жетті.
- Әйел адам судан шығарылып, алғашқы медициналық көмек көрсетілді. Кейін ол жедел жәрдем қызметіне тапсырылды. Қазіргі уақытта оқиғаның мән-жайы анықталуда, - делінген ресми ақпаратта.
ТЖМ күрделі жағдайларда психолог мамандардың көмегіне уақытылы жүгінудің маңызды екенін еске салады және оқиға туралы жедел хабарлаған тұрғындарға алғыс білдірді.
