Ақтау прокуратурасы пробация қызметінде есепте тұрған 87 сотталушының қоғамдық жұмысты орындау тәртібінің сақталуына қатысты тексеру жүргізіп, біраз заңбұзушылықты анықтады, – деп хабарлайды Аikyn.kz.
Ведомствоның мәліметінше, сотталғандардың жұмысты орындауы Ақтау қалалық әкімдігі белгілеген жерлерде қарастырылған. Тексеру барысында 8 сотталушы жазасын толық көлемде өтемегені анықталды. Соған қарамастан есепке алу табеліне олардың жұмысты орындады деп белгілеген. Бұған жауапты шенеунік болып шыққан.
«Мұндай келеңсіздіктің орын алуы – жергілікті атқарушы органның құрылымдық бөлімшесінің дұрыс бақылау жасамауының салдарынан туындады», – деп хабарлады ведомства.
Қазір қала прокуратурасының қадағалау актісі бойынша Ақтау қалалық тұрғын үй-коммуналдық шаруашылық бөлімінің басшысы тәртіптік жауапкершілікке тартылған.
