Алматыда «Елге көмек» қайырымдылық қорының басшысы Ілияс Сариев алаяқтық жасады деген күдікке ілінді, – деп хабарлайды Aikyn.kz Kazinform агенттігіне сілтеме жасап.
Бұл туралы заңгер Нұрсұлтан Орынбеков әлеуметтік желідегі парақшасында жазды.
"Ілияс Сариев алаяқтық бабы бойынша ұсталды", — деп хабарлады ол.
Алматы қаласының Полиция департаменті ақпаратты растап, қылмыстық іс қозғалғанын жеткізді.
"Алмалы аудандық Полиция басқармасында алаяқтық дерегі бойынша қылмыстық іс қозғалды. Жан-жақты және объективті тергеуге бағытталған бірқатар тергеу шарасы жүргізіліп жатыр. Олардың қорытындысы бойынша процессуалдық шешім қабылданады", - деп атап өтті ведомстводан.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.
