Көлік министрлігі тұрақты негізде ұшу географиясын кеңейтіп, қолданыстағы бағыттар бойынша рейстер санын арттыру аясында жұмыс жүргізеді, – деп хабарлайды Аikyn.kz министрлікке сілтеме жасап.
Биылғы жылдың 1 мамырынан бастап қазақстандық QazaqAir әуе компаниясы Астана-Түркістан -Самарқанд бағыты бойынша Өзбекстанға жаңа бағыт ашуды жоспарлап отыр.
Рейстер аптасына 2 рет бейсенбі және жексенбі күндері орындалады. Қазақстан мен Өзбекстан арасындағы рейстердің жалпы саны аптасына 42-ден 44-ке дейін артады.
Әуеқатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.
