Сырдарияда сең қозғалды. Қазір өзен арнасы бақылауға алынып, азаматтық қорғау қызметі дайындық жүргізіп жатыр, – деп хабарлайды Aikyn.kz Almaty.tv-ге сілтеме жасап.
Бүгінде өзеннің Қызылордаға дейінгі бөлігі мұздан толық тазарған. Сірескен сең ақырындап қала тұсынан өтіп жатыр. Ал қауіпті саналған 5 учаске бақылауда.
Қазір солтүстік аудандардағы мұздың қалыңдығы 20-40 см. Аймақта су басу қаупі жоғары 29 елді мекен болса, ондағы халық саны 70 мыңға жуықтайды. Мамандар болжамынша, Сырдариядағы сең наурыздың орта шенінде Арал теңізіне жетуі тиіс.
– Сеңнің жүруі байқалды. Қазіргі уақытта қорғаныс бөгеттері қалыпты жағдайда. Облыста 61 эвакуациялық жинақтау және 71 эвакуациялық қабылдау пункті орналасқан. Сонымен қатар 22 уақытша орналастыру пункті, 13 жылыту пункті жұмыс жасайды, – деді облыстық ТЖД басқарма бастығы Бейбітхан Спанов.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.