Қара бетперде тағып, қайырымдылықпен айналысып жүрген жігіт тағы бір отбасына қуаныш сыйлады, деп хабарлайды Aikyn.kz.
Ол бұл жолы 11 жастағы Аяулым есімді қызға көмекке келді. Қыздың айтуынша, ата-анасының мүмкіндігі шектеулі, сөйлемейді екен.
«Ата-анам кішкентай кезінен бері сөйлемейді, мүгедек. Осы үйді жалға алып тұрамыз. Моншаға барып жуынамыз. Өйткені бізде жуынатын жер жоқ», - дейді Аяулым.
Ол бар арманы ата-анасымен сөйлесу екенін айтты. «Одан басқа ештеңе керек емес» дейді.
Бетперделі жігіт оны жұбатып, «Ата-анаң емге барады және сіздер үйлі боласыздар», - деп қуанышты жаңалық айтты.