Алматыға гастрольдік сапармен келген ақтөбелік Қанат-Света Айтбаевтар күтпеген оқиғаға тап болып, Бостандық ауданының ішкі істер бөлімінен бір-ақ шықты. Жарасымды жұп жолдан келген бойда ешқайда соқпай, бірден концерт болатын Ө.Жолдасбеков атындағы Студенттер сарайына ат басын тірейді. Қайырымдылық шара ойдағыдай өтіп жатады. Өз өнерлерін көрсеткеннен кейін көптен көрмеген әншілермен бірге грим бөлмесінде әңгіме айтып, өзара шүйіркелесіп отырады. Бағдарлама соңына жеткенде барлығы жапа-тармағай сахнаға шығуға бет алады. Сөйтіп, шымылдық жабылған сәтте артистер бөлмесіне қайтып оралады. Өкінішке қарай, сол екі ортада Светаның сөмкесі қолды болып үлгереді. Өздерімен бірге алып шыққан қомақты қаржы мен банк карточкаларынан айырылып қалған өнер иелері бірден құзырлы орындарға хабарласады. Алматы қаласы Бостандық ауданының ішкі істер бөлімінің қылмысты іздестіру тобы түскен арыз бойынша істің анық-қанығын тексеруге кіріседі.
Жамбыл атындағы мемлекеттік филармонияда А.Жұбанов атындағы дарынды балаларға арналған республикалық қазақ мамандандырылған музыка мектеп-интернаты оқушыларының концерті өтті.
4 мамыр күні Астанадағы «Қазақстан» орталық концерт залында республикалық байқаулардың лауреаты, әнші-композитор Медет Салықовтың «Жібек сезім» атты алғашқы шығармашылық кеші өтеді.
Қазақстанның халық артисі, Мемлекеттік сыйлықтың лауреаты Бибігүл Төлегенованың өнерден бөлек өмірі жайлы ресейлік режиссер Александр Замысловтың деректі фильмі жарыққа шықты.
Танымал әнші Алмас Кішкенбаев жас та болса, бас болып жүр. Ол осыған дейін «Классик» тобын құрып, продюсерлік қырын танытқан еді. Енді тағы бір топты қанатының астына алмақ.
«Арман 3D» кинотеатрында «Қайрат Нұртас Production» компаниясы түсірген «Өкініш» атты көркем фильмінің тұсаукесері өтті. Көркем туындының режиссері – Мақсат Оспанов.
Қазақстанның халық артисі, Мемлекеттік сыйлықтың иегері, әнші- композитор Ескендір Хасанғалиевтің шаңырағында бір жарым жыл бұрын үлкен қуаныш болып, ұлы Біржан күрішті өңірдің аруы Ақмаржанға үйленіп, ата-анасын мәре-сәре қылған еді. Өнегелі отбасы жақында тағы бір бақытқа бөленді. Ел ерекше жақсы көретін Ескендір ағамыз бен Дарико апайымыз немерелі болды.
Қазақстанның еңбек сіңірген артисі, «Анашым», «Әке арманы», «Қоштасқым келмейді», «Қыз сыны», «Сыңарым», «Әнші балапан», «Арман қала - Астана», «Наурыз» сияқты танымал туындылардың авторы Марат Омаров Мәскеуде концерт қойды.
Музыка саласы бойынша да не түрлі қызық оқиғалар орын алып жатады. Моцарт ешкімнің ойына да кіріп-шықпайтын әдіспен, аяғынан басына, басынан аяғына қарай оқыла беретін нота жазса, тотықұсты вокалист етіп тағайындаған музыкалық топ өз тыңдармандарын тапқан. Қытайлар мен вьетнамдықтардың арасында музыкалық қабілеті жоғары адамдар көп кездеседі екен. Сондай-ақ тыныштықты музыкалық шығарма ретінде меншіктеп, соттасқандар да бар.
Елбасының Жарлығымен қыркүйектің екінші жексенбісі «Отбасы күні мерекесі» болып белгіленді. «Отан – отбасынан басталады», «Берік отбасы – қоғамның тірегі» дейміз. Расында, өнегелі отбасы – жарасымды жұптан шығады. Ал ауызбіршілігі мықты, іргесі берік шаңырақ үлгілі ұрпақ өсіреді. Ендеше, мереке қарсаңында ынтымақ-бірлігі жарасып, айрандай ұйып отырған өнерлі жанұялар жайлы әңгіме қозғасақ дейміз.
Сазгер Сауран Елеуовтің әндері жұртшылыққа жақын. Оның алғашқы ән туындысы «Апатайым – анашым» бүлдіршіндердің, мектеп оқушыларының сүйіп орындайтын әндерінің бірі. Әсіресе, балабақшадағы кішкентайлар тілі шығар шықпастан «апатайым» деп былдырлап жүргені. Сондай-ақ оның « Аппағым», «Ей, адамдар, сендер аман болыңдар», «Тұран – Түркістан» атты әндері де жиі орындалады. Әнші-сазгердің өзінің төл туындыларын баянға қосып, фонограммасыз жанды дауыспен орындауы тыңдарман талабына сай келетін секілді. Өйткені оның іздеушілері қайтадан күннен-күнге молайып келеді. Жамағат қазір осындай шынайылықты қажет ете бастағаны байқалады.
Жақында Алматы қаласындағы №162 мектеп-гимназия ұстаздары хабарласып, «МузАРТ» ансамблінің әншісі Сәкен Майғазиевке біздің басылым арқылы алғыс айтқысы келетінін жеткізіп, тілектерін жерде қалдырмауымызды өтінді.
.jpg "Image")
