11.05.12.

Кеше Қазақстанға Қырғызстанның жаңа президенті Алмазбек Атамбаев ресми сапармен келді. Оның тұңғыш рет келісіне екі бірдей көңілсіз жайт көлеңкесін түсірді. Қазақ жерінде қырғыздармен болған алапат автокөлік апаты, тіпті, ресейлік арналардың жаңалықтарына кірген. Қырғызстан азаматтарын артып, Ресейге аттанып бара жатқан шағын автобус 8 мамыр түнінде, «Алматы - Екатеринбург» тас жолының Қарағанды облысының Шет ауданы аумағында қарсы бетке шығып кетіп, «КамАЗ»-бен соқтығысыпты. Нәтижесінде, 15 Қырғызстан азаматы қаза тапқан. «Біздің аумақта, қайғылы оқиға болды, Қырғызстан азаматтары көз жұмды. Мен олардың туған-туыстарына, сіздерге де көңіл айтамын» деді кеше Елбасы Нұрсұлтан Назарбаев.